ఆకలితో అలమటించాడు.. ఎన్నో నిద్ర లేని రాత్రులను గడిపాడు.. దేశంకాని దేశానికి వెళ్లి.. తను అనుకున్నది సాధించాడు. మాతృదేశం కోసం చావడానికైనా..చంపడానికైనా సిద్ధమేనని గర్వంగా ప్రకటించాడు. బ్రిటిష్ వారి వెన్నులో వణికు పుట్టించి.. భారత యువత గుండెల్లో అగ్గి రగిల్చాడు. అతనే ఉద్దమ్ సింగ్.
Udham Singh Wiki
భారత స్వతంత్ర ఉద్యమంలో నిజానికి భగత్ సింగ్ తెలిసినంతగా.. ఉద్దమ్ సింగ్ గురించి చాలామందికి తెలియదు. భారత స్వతంత్ర సంగ్రామం గురించి మాట్లాడుకున్నప్పుడు కచ్చితంగా ఉద్దమ్ సింగ్ గురించి చెప్పుకోవాలి.
ఉద్ధమ్ సింగ్ గొప్ప సాహస వంతుడు. పంజాబ్‌లోని సంగ్రూర్ జిల్లా‌లోని సునం తెహసీల్‌కు చెందిన కలన్ గ్రామంలో జన్మించాడు. 1899 డిసెంబర్ 26న ఓ పేద ఇంట్లో ఉద్దమ్ సింగ్ పుట్టాడు. ఉద్దమ్ సింగ్ అసలు పేరు షేర్ సింగ్.
Udham Singh Wiki
అతని తల్లీ పేరు నరేన్ కౌర్ చిన్నప్పుడే చనిపోగా.. తండ్రి పేరు తెహాల్ సింగ్ కూడా 1907లో మరణించారు. తర్వాత ఉద్దమ్ సింగ్ తన అన్న ముక్తా సింగ్‌తో కలసి అనాథశ్రమంలో చేరాడు.
అప్పుడే షేర్ సింగ్ అనే పేరును… ఉద్దమ్ సింగ్‌గా మార్చారు. తర్వాత కొన్నాళ్లకు ఉద్దమ్ సింగ్ అన్నయ్య కూడా చనిపోతాడు. దీంతో ఉద్దమ్ అనాథయ్యాడు.
Udham Singh Wiki
టీనేజ్‌లోనే ఉద్దమ్ సింగ్‌కు దేశభక్తి అమితంగా ఉండేది. 14 ఏళ్ల వయస్సులో వెయ్యి మందికిపైగా బలైన జలియన్‌వాలా బాగ్ ఉదంతం ఉద్దమ్ సింగ్ నెత్తురును మండించింది.
1919 సంవత్సరంలో అమృతసర్‌లో జరిగిన ఈ సభకు అనాథ శరణాలయం నుంచి హాజరైన ఉద్దమ్ సింగ్ నేలమీద పడుకుని ప్రాణాలను కాపాడుకుంటాడు. అక్కడ శవాల గుట్టలను చూసి రగిలిపోయాడు. ఆ నెత్తుటి ధారను చూసి చలించిపోయాడు. ఆ అనుభవం ఆయన జీవితాన్నే మార్చేసింది.
Udham Singh Wiki
ఆ రక్తమంటిన మట్టిని చేతబట్టుకుని ఈ దారుణమైన ఘటనకు కారణమైన వారిని చంపేదాక తను చావనని వాగ్దానం చేశాడు. అప్పటి నుంచి జలియన్ వాలాబాగ్‌కు కారణమైన డయ్యర్స్‌ను వెతుక్కుంటూ ఉద్దమ్ సింగ్ ముందుకు సాగాడు. అనేక విప్లవ కార్యక్రమాల్లో పాల్గొన్నాడు.
Udham Singh Wiki
తుపాకీ కాల్చడం కూడా నేర్చుకున్నాడు. ఉద్దమ్ సింగ్ 1940 మార్చి 13న లండన్ కాక్స్‌టన్‌ హాల్లో మైకేల్ ఓ డయ్యర్‌ని కాల్చి చంపి, లొంగిపోయాడు. దీనికోసం ఉద్దమ్ సింగ్ ఎన్నో కష్టాలు పడ్డాడు.
పేరు మార్చుకున్నాడు. మారువేషాలు వేశాడు. ఎట్టకేలకు డయ్యర్ ఆ కాన్ఫరెన్స్‌కు హాజరవుతాడని తెలుసుకుని.. లండన్ చేరుకుని, ఎంట్రీ పాస్ సంపాదించి.. పిస్టల్‌ను పుస్తకంలో పెట్టుకుని వెళ్లి.. డయ్యర్‌పై గుళ్ల వర్షం కురిపించాడు.
Udham Singh Wiki
హత్య తర్వాత పోలీసులు ఉద్దమ్ సింగ్‌ను అరెస్ట్ చేశారు. హత్య ఎందుకు చేశారని అడగగా “ తనకు ఇది జరగాల్సిందే. నేను ఏ పార్టీ కి కూడా చెందను, నాకు చావు అంటే భయం లేదు. ముసలి తనం వచ్చేవరకు జీవించి ఎం ప్రయోజనం” అని చెప్పాడు.
Udham Singh Wiki
అంతేకాదు నా దేశ ప్రజల ఆత్మను భంగపరిచాడని, అందుకే వాడిని చంపానని కోర్టులో వెల్లడించాడు. అతనిని చంపాడానికి 21 సంవత్సరాలు వేచి చూశానని అన్నాడు. తను చంపేంత తప్పు చేశాడని ప్రకటించాడు.
Udham Singh Wiki
అక్కడ జైలులో ఉన్నప్పుడు తన పేరు “Ram Mohammad Singh Azad ” అని చెప్పారు. ఈ పేరు హిందూ, ముస్లిం, సిఖ్‌ల కలయికగా పెట్టుకున్నాడు. తర్వాత 1940 జూలై 31న ఉద్ధమ్ సింగ్‌ను బ్రిటిష్ ప్రభుత్వం ఉరి తీసింది.
Udham Singh Wiki
బ్రిటిష్ ప్రభుత్వం అప్పట్లో భగత్ సింగ్, రాజ్ గురు, సుఖ్ దేవ్‌లనే కాకుండా ఉద్దమ్ సింగ్‌ని కూడా భారతదేశపు మొదటి మార్క్సిస్టులుగా పేర్కొంది. ఉద్ధమ్ దేశ స్వతంత్రం కోసం గద్దర్ పార్టీ, హిందుస్తాన్ సోషలిస్ట్ రిపబ్లికన్ అసోషియేషన్‌లలో పనిచేశాడు.
నేను బ్రిటీష్ పాలనలో భారతదేశంలో ఆకలితో ఉన్న ప్రజలను చూశాను ఈ విషయంలో నేను నిరసన వ్యక్తం చేశాను, అది నా బాధ్యత.
నా మాతృభూమి కోసం మరణం కన్నా నాకు ఎక్కువ గౌరవం ఇవ్వబడుతుంది..?
ఈ స్వతంత్ర సమరయోధుడు జీవితాన్ని బాలీవుడ్ తెరపై ఆవిష్కరించింది. సర్దార్ ఉద్ధం పేరుతో సినిమా వచ్చింది. విక్కీ కౌశల్ ఉద్దమ్ పాత్రను పోషించాడు.
